鄧麗欣（Stephy）與方力申一對「金童玉女」拍拖7年，婚訊卻一直只聞樓梯響，日前Stephy再與小方隔空耍花槍，互推工作忙來「逃婚」。雖然她口說不恨嫁，但當講起求婚話題時，卻「痰上頸」乾咳三聲，間接催婚。

Stephy與小方甜蜜拍足7年拖仍未拉埋天窗，難怪不時有婚訊傳出！

Hubert與Jinny情深對望，實行以「情侶檔」吸金！

HotCha的Crystal（左）和Winkie齊齊為選美活動擔任嘉賓。

鄧麗欣、吳若希（Jinny）、胡鴻鈞（Hubert）、鍾一憲及組合HotCha等歌手前晚出席選美活動，Stephy透露最近忙於為新歌填詞，又會在下月舉辦慈善相展，並直言靚相會以性感示人：「睇吓大家尺度去到邊，我覺得幾性感o架，某啲題材意識上幾大膽，我之前都未試過。」問到可有向男友方力申備案？她說：「佢未睇過啲相，我都冇話畀佢知。」

提結婚「忙鬥忙」

提到小方早前投訴她工作太忙而無暇結婚，Stephy竟反指男友業餘活動多，實行以「忙鬥忙」來拖婚期：「佢仲忙過我啦，除咗事業，佢仲有好多業餘活動，唔信你問吓佢。」問到是否等小方求婚？Stephy即時乾咳三聲，怕醜地說：「女仔邊可以講呢啲嘢，雖然到咗呢個年紀，但我唔心急。」

至於同場的Jinny被傳與同門的鄭欣宜爭寵，最後令欣宜失控爆喊，Jinny否認：「冇呀，老闆每個歌手都錫，我同欣宜好Friend，佢成日因為少少嘢而感動到喊。」她最近常與Hubert以「情侶檔」吸金，問到二人可有機會擦出愛火花？Hubert笑說：「難啲，我畀晒機會佢都冇行動。」Jinny即搶答：「應該話唔排除呢個可能性，不過佢鍾意女仔有3D效果（身材），我唔夠3D呀！」