藝人雨僑前晚出席西片《英超有情人》首映,並透露正忙於拍攝電影《喜愛夜蒲3》:「同靚仔林德信拍談情戲都有啲擔心。(擔心愛上佢?)咁又唔會,又唔係嚟搵老公。之前演我男友或老公嘅有阮德鏘、谷德昭同鄭中基,今次林德信就好靚仔,怕會尷尬啫!」她稍後會與林德信到韓國拍攝一場露背戲,直言不會用替身:「不過我都諗緊個正面會點,可能前面貼牛皮膠紙盡量令對手唔想望。」問到會否擔心林德信緋聞女友松岡李那不滿,她說:「以我同林德信唔熟嘅程度係唔會嬲,不過我都好想睇吓佢哋同場演出。」

雨僑與王宗堯結伴出席首映禮。