一眾英皇型男索女歌手昨日以機師、空姐Look出席微電影的首映禮，焦點落在洪卓立和衛詩雅的「床戲」，洪卓立向緋聞女友湯怡大派定心丸指床戲安全！

洪卓立要拉埋衛詩雅（左）先肯同緋聞女友湯怡合照。

霍汶希（左）和吳雨（右二）與電台高層合照。

洪卓立（左）和羅力威送上遙控直升機，氹到許靖韻勁開心！

英皇高層吳雨和霍汶希昨日帶領旗下藝人，包括力捧新人許靖韻（Angela）、洪卓立（Ken）、羅力威、衛詩雅、泳兒、鍾舒漫（Sherman）、張致恒（Steven）及湯怡出席微電影《歲月如歌》首映禮。眾人以戲中的機師及空姐造型閃亮登場，Sherman更罕有地以性感大Deep V現身贈興，十分養眼。台上Ken以師兄身份向新人Angela送上遙控直升機，寓意她演藝事業衝上雲霄！

戲中萬人期待的一幕Ken「床戰」衛詩雅，問到可有親密動作？Ken說：「唔係大家想像中嘅床戲。（驚粉絲呷醋？）我哋好安全，冇投訴！（緋聞女友湯怡OK？）大家都OK！我喺床上唧衛詩雅啫！」而衛詩雅笑言「床戲」好搞笑：「初初淨係聽到有床戲，但唔知程度，拍得好輕鬆、好搞笑。」而大方性感上陣的Sherman直言衣着沒有底線：「都係配合戲中Super Star形象，自己好Open，唔介意着到咁，都係一種美。」緋聞男友Steven則大讚她說：「佢點着都靚！」

羅力威「冷面笑匠」

另外，羅力威和Angela在戲中獻出螢幕初吻，羅力威說：「其實係錫面，都係順應劇情，唔擔心粉絲唔高興，做戲啫！」而Angela翻唱《歲月如歌》坦言有壓力：「始終前輩嘅歌深入民心！」此外，網民一睹羅力威的演出後，力讚他是「冷面笑匠」，故吳雨有意將Ken和羅力威打造成新一代「鬼馬雙星」，開一部新戲讓他們擔正。