今屆港姐「最上鏡小姐」評判洪永城、沈震軒、王浩信、許廷鏗和張景淳昨日在電視城會晤十位候選港姐，三位大熱佳麗(9)劉溫馨、(15)蔡思貝及(17)陳凱琳成為評判的心頭好。去年擔任中華小姐「最上鏡小姐」評判的沈震軒笑說：「可能我拍過《喜愛夜蒲》，公司覺得我睇過好多女仔。（審美準則？）當然要靚同討好觀眾。」洪永城則說：「最緊要睇落舒服，好似朋友咁，可以同觀眾拉近距離。（似緋聞女友黃翠如？）都係時候要啲新血、年輕啲嘅。」而許廷鏗則笑言去年揀選的佳麗五甲不入，希望今年的心水會入圍。

(17)陳凱琳（右起）、(15)蔡思貝及(9)劉溫馨成為評判的心頭好。

陳凱琳被指在佳麗中不受歡迎，人前人後兩個樣，只向贊助商及高層示好，她說：「唔係真，向來都係做番自己，同其他女仔相處冇問題，而贊助商都因為太忙根本都冇時間認識。」另外，(16)徐韶蓓被指私生活不檢點，經常出軌及跟前男友拍下不少親密照，而且為人隨便，搭港鐵時遇陌生男士索取電話號碼亦不拒絕。