藝人吳鎮宇憑《衝上雲霄II》的型爆機師Look冧盡港女，據知他在現實中更做戲做全套，早已考獲駕駛直升機執照，做Captain親身體驗「雲外看，新生趣」的滋味，但其好友黃秋生卻講明唔敢坐！

飛天飛上癮的鎮宇，十年前拍畢《衝上雲霄》後即埋頭苦讀考機師執照。

演機師入型入格的鎮宇，憑深情Sam哥一角成功俘虜港女心。

與鎮宇老友鬼鬼的秋生早前曾「挑剔」對方廚藝，依家又話唔敢坐鎮宇機，畀啲面好喎！（資料圖片）

鎮宇（右）與Chilam惺惺相惜，Chilam接劇前更講明要「拍住上」。（資料圖片）

在電視劇《衝上雲霄II》飾演Sam哥的吳鎮宇，憑型爆的飛機頭及專業的飛行知識而獲得全港女士擁戴，據知他亦早已考獲駕駛直升機執照，名副其實是一名機師，由劇裏的「Captain Tong」變成劇外的「Captain Ng」！

鎮宇自十年前拍畢《衝上雲霄》後，演機師演上癮的他以一個月的神速考獲直升機牌，更一Take Pass！他曾自誇相比要用四、五個月，甚至要考七、八次才能成功考取執照的人，自己只用了一個月時間就神速KO連串考試，據知因為鎮宇時間不多及不想重考，所以很努力，每日他都訓練自己記理論！

秋生唔敢坐

鎮宇因身在內地而未能聯絡上，但其一眾好友則證實此事，當中黃秋生大爆鎮宇是在內地考牌，才能以神速考成：「我之前都想去新西蘭考，但至少要考一年，喺香港同外國邊有可能一個月考到！（會唔會坐佢揸嘅飛機？）唔夠膽坐呀！都唔知佢技術去到邊！」張智霖（Chilam）亦早知鎮宇有直升機牌，但笑言有畏高，故不會羨慕對方。另外，鎮宇曾在訪問中透露拍《衝II》前，Chilam講明有他才會接拍，Chilam表示跟鎮宇合作得相當愉快，希望下次再有機會合作！