藝人被滋擾恐嚇時有發生！女歌手連詩雅（Shiga）與官恩娜（Ella）前晚出席音樂會，提到師兄周柏豪日前上載三人合照後，Shiga慘遭網民圍插，反而Ella獲激讚「好索」同「靚女」，Shiga解釋自去年與柏豪在微電影中激咀後，一直被網民狂炳：「佢啲歌迷唔鍾意我，上年仲有網民留言話要一把刀插死我，當時真係驚！柏豪知道後立即留言叫歌迷唔好太偏激，我都有唔開心。」剛加盟華納的Ella坦言不時與柏豪出席活動，問到會否避忌一點？她說：「好難喎！未入華納已經成日同佢一齊做嘢。」記者即笑她不用怕，因獲網民激讚，她即抵死地說：「唔係我請打手o架！不過講到一面倒，過激言論會影響人心情，唔好對小妹妹咁殘忍。」

連詩雅（左）接周柏豪粉絲的恐嚇，嚇到官恩娜不敢與他合作！