龔嘉欣(Katy)受到電話滋擾,曾與她傳緋聞的許家傑、袁偉豪及沈震軒均表示會致電關心一番!八月中生日的許家傑表示原本Katy會請食飯祝賀,但要待她拍畢外景返港才吃,對於對方受電話滋擾一事,家傑坦言不知此事,但抵死地說:「係咪依家(農曆)七月,黐埋咗啲污糟嘢呀!哈哈!(係咪捲入桃色糾紛?)佢都修心養性啦喎!唔會啦!不過如果有需要,我都會保護佢。」另一「舊愛」袁偉豪則指近日忙於拍劇,未有留意新聞,但會傳短訊問候:「覺得有威脅,最好就報警,有乜事要識得嗌唔好囉!」至於沈震軒聞言後指是否只是電話惡作劇:「佢經常都會喺微博講自己嘅心情,都起伏幾大,都會打畀佢問乜嘢事!」

許家傑當得知龔嘉欣有事即揚言保護她,唔怕又翻炒緋聞咩?(資料圖片)

沈震軒表示會致電慰問,有需要會幫手。