汪圓圓心郁想造人

名模汪圓圓昨日出席童裝活動時拖住小男孩出場，笑說男孩與未婚夫蔡加讚（Karson）兒時樣貌相似：「我好耐冇拖其他男仔隻手！」問到婚後是否立即造人？她笑說：「見到乖嘅咪心郁，曳嘅就心淡！」至於會否上定湊仔課程？她說：「我湊家姐嘅小朋友都有經驗，等我生一個試吓先，乖就再生！」提到11月的婚禮，她自言在手機安裝倒數程式：「通常女仔緊張過男仔！（有壓力？）因為好多人嚟，我希望每一個都玩得開心。」