日前在微博留言「招架不住」的鄧麗欣（Stephy），被粉絲誤會男友方力申求婚「得米」，她解釋是母親早前中風入院，現無大礙。

Stephy母親日前中風入院，她昨日出席活動時面容亦見憔悴。

小方拋起張繼聰兒子玩耍，似乎未受「外母」病情影響。

前晚Stephy在微博留言：「生命中太多理所當然，當現實突然來敲門時，你才發現自己招架不住。」粉絲以為她「有喜」或結婚，昨日她出席慈善活動時解釋：「媽咪右邊身唔郁得，入院證實係中風，大家唔使擔心。」又自責母親病發當日沒即時送院，問到可有叫男友方力申幫忙？她說：「佢有慰問過，但佢好忙。（想快啲結婚？）媽咪想去旅行多啲。」

狀態神勇

另外，小方前晚與張繼聰出戰籃球賽，雖然「外母」入院，但他狀態未受影響，問到是否以後不再游水？他笑說：「游水冇乜挑戰性，我鍾意玩團體運動。」

而阿聰在賽前就勁得戚，表示老婆謝安琪身在內地拍劇，自己可以「無王管」，豈料比賽中段囝囝跟老婆突然現身，囝囝更成隻「甩繩馬騮」般滿場飛，幸好阿聰沒因「驚喜」而失準！最終他們以74比61大勝無綫藝員隊。