何韻詩昨日到商場為其慈善基金義賣月餅，她表示會將收益捐給一間小型的慈善機構，還自誇是個好的推銷員：「我拎咗幾十盒月餅去盧凱彤個演唱會後台捉人買，陳奕迅及黃耀明都有買，我好客氣咁話『送畀你吖』，佢哋梗係話唔使啦！Eason仲捐咗幾千蚊。一講到做慈善我都幾唔要面o架！直頭冇面皮呀！」而其緋聞女友鄧九雲也有買月餅，問到可會公開關係？她說：「未有啲咩要公開。（多謝佢？）好多人都要多謝，大家排一排隊先！」
何韻詩為其慈善基金義賣月餅。
