港姐於問答環節中接受幾位「星級選民」的口才考驗，曾在台灣發展的(16)徐韶蓓最「九唔搭八」，談論訓練狗隻時用了「屙尿」字眼，克勤即忍不住說：「係小便，你係港姐嚟o架！」(6)劉佩玥則自言曾一家住七口：「我屋企屬小康之家，大約一千呎左右。」阿叻即窒她：「我都係住百幾呎咋！」她換泳衣後更不慎下體現形。

劉佩玥家住千呎都只認小康之家，與「中產論」有得揮！

徐韶蓓以通俗字眼對答，又真係失儀咗少少。

大熱(15)蔡思貝及是非佳麗(13)歐陽巧瑩最得「星級選民」歡心，原本每人只得兩分鐘時間，但她倆卻有五分鐘！蔡思貝大談為何修讀民族學，又搞笑表示喜歡瞓在枱底看東西，因感覺有安全感，志偉即抵死地說：「點解唔諗吓瞓棺材？」歐陽巧瑩則模仿幾位佳麗，包括(12)梁家欣的「雞仔聲」、(9)劉溫馨的不純正口音及蔡思貝的活躍神情，獲志偉讚有潛質可做祖藍拍檔。