歌手盧凱彤（Ellen）前晚順利完成首場伊館演唱會，父母和歌手好友黃耀明及藍奕邦等到場支持。一頭金髮兼打扮性感的Ellen，其低胸大露背裝「出賣」了腰間大幅紋身，擔任表演嘉賓的何韻詩與她合唱一曲後，兩人熱情擁抱兼咀嘴，自言似Ellen家姐的阿詩說：「我哋關係親密。」亦不怕咀對方會令緋聞女友鄧九雲呷醋。

阿詩（右）與Ellen咀嘴，並指與對方情同姊妹。

行實力派路線的Ellen難得低胸。

Ellen完騷後大讚觀眾氣氛一流，談到服裝性感，她說：「為今次演出已經訓練咗半年體能，我肯定係圈中最大隻嘅女歌手，趁開騷展示成果！」她又特別感謝阿詩撐場。