前日是譚詠麟（阿倫）63歲牛一，前晚在西環一間中菜館包房慶祝，好友曾志偉、李克勤夫婦、鍾鎮濤（阿B）、彭健新、黃百鳴、殼王陳國強及拉姑等到賀，而在隔籬房食飯的張智霖亦主動道賀。眾人於晚上11時半陸續離開，阿B被問到送甚麼給阿倫？他說：「我哋講心，祝佢心想事成！」阿倫其後步出，問到收到甚麼禮物？他說：「好多！（生日願望？）希望香港多啲包容。（囝囝有冇嚟？）有，走咗啦！（另一半Wendy呢？）走咗啦！」他又指囝囝有送禮物給他。未幾，醉酒的志偉坐在櫈上冇晒反應，由五名大漢抬出門口再抬上車。