無綫藝人李思欣「處女下海」拍攝微電影，她透露拍攝期間日日狂喊，皆因電影改編自其學生的真實經歷，感人肺腑：「我現時喺家燕媽媽學校教小朋友演戲，記得有一次我同成班小朋友排戲，其中一位八歲女學生大呻好攰，我問佢因咩事咁攰，佢話因為啱啱捐完骨髓畀細佬，嗰一刻我嚇到呆咗，唔知講咩好！」為令更多人關心這對小姊弟，李思欣與薛家燕把他們的故事拍成微電影：「現時細佬已經康復中，為咗鼓勵大家同灌輸正能量，我哋將呢對小朋友嘅故事拍成微電影，我就會扮演該對小朋友嘅媽咪，套電影九月八日就會首映，希望到時大家多多支持啦！」

李思欣「處女下海」拍攝微電影，老公范振鋒當然支持到底。