前港姐陳倩揚日前一家三口到主題公園,試玩新落成的「怪獸大學」主題項目,年僅兩歲的囝囝羲廷,眼見父母穿卡通人物T恤即指手畫腳,後來見主角「大眼仔」更(目及)到實,即使拍照亦只望實目標!倩揚笑言老公是主題公園粉絲:「平時做嘢壓力大,入嚟可以放低晒所有嘢去享受,好多年前我哋去美國佛羅里達州個樂園度,老公前一晚已經攞定樂園地圖,Plan好晒應該點玩,仲畫晒路線圖添!」倩揚亦會收藏不同的電影與產品,她說:「好似《Toy Story》會買嚟再睇,覺得入面有Message,會趁機教個仔。」

倩揚抱住囝囝,跟老公及「大眼仔」恍如一家四口。

枱上有精美點心,但爸媽還是覺得羲廷面珠Dum最好食!

老公猛影活力充沛的羲廷,倩揚齋睇都開心。