前港姐梁麗翹(Nicole)於暑假大玩滑水,數年前初接觸時,因怕曬黑及怕水而放棄,但發現一眾好友皆愛滑水,為免脫節故決定加入,Nicole說:「以前起唔到水都幾樣衰,頭兩次玩滑水用錯力,一上水手腳軟晒,好似畀人打咗十拳咁,所以放棄咗。今年終於的起心肝學,玩上癮!滑水好有成功感,不過我曬黑咗,依家滑水會着番長袖衫。」

Nicole滑水淡定有錢剩,不過海鷗嚇到飛走晒!

滑水變靚晒亦得?Nicole話你知得咗。

Nicole又指靠滑水及做機Keep Fit,一個月減了10磅,腰部及臀部減近10cm,卻因而被誤會整容,她說:「依家上鏡都冇咁肥,仲有朋友話我個鼻高咗,可能因為瘦咗,加上去完旅行靚咗,所以引起誤會。」