影壇新人蔡瀚億及顏卓靈因拍跳舞勵志片而結緣，他倆同樣熱愛演戲，前者不怕面懵，後者作出不少妥協，正如新片口號，為了夢想可以去到盡！

Cherry打天才波、BabyJohn靠奮鬥，但二人同樣為演戲去到盡，抵讚！

同為好戲之人，Cherry與BabyJohn鬥Chok，邊個贏？

BabyJohn跟Cherry於新片的出色表現備受注目。

影壇新人顏卓靈（Cherry）和蔡瀚億（BabyJohn）為爭取機會，因而要接受多輪面試，BabyJohn更不怕面懵，主動打電話給劇團要求面試。機會永遠留給有準備的人，喜歡音樂的他，閒時會作曲，殊不知成就了參演音樂劇的機會，但他謙稱只是為興趣：「唔係為日後有用而做，係因為鍾意做！」

追求進步

畢業於演藝學院的BabyJohn，接觸舞台劇較多，但他坦言較喜歡電影，不過他仍在努力找出演繹兩者的差別：「有啲嘢喺舞台會唔夠，但喺電影又會多得滯，係咪『誇張』就可以講出呢件事呢？」相反，從未修讀戲劇課程的Cherry，齋打天才波，已獲不少業內人讚賞，但她仍未滿意：「覺得自己未夠歷練，點思考都好，未夠就係未夠！（點投入角色？）靠睇劇本幻想出嚟！」

Cherry自言愛思考：「如果嗰日經歷咗好多嘢，就要好多個鐘頭思考！（諗完寫出嚟？）有呀！開始寫信，試過寫畀自己嘅齙牙同美少女戰士！」她年紀輕輕已非常有個性，但為了夢想，她亦曾作出不少妥協：「本身我個人係非黑即白，但由唔鍾意化妝同着高踭鞋，依家都會做。」