新進歌手柳妍熙（前名柳亦淇、Shay）本身是國內短跑運動員，但因跟腱受傷被迫放棄夢想，其後她在朋友介紹下跟曾路得老師學唱歌，Shay透露學習期間，雖要中港兩地走，但仍風雨不改：「每星期會喺廣州或者北京飛嚟香港，風雨不改。（學咗幾耐？）5至6年，雖然辛苦啲，但真係好鍾意唱歌。」Shay又表示與老師儼如一家人：「第一次見老師覺得佢好兇，但其實佢好錫我，佢知道我喺香港得一個人，有時煮飯都會叫我食飯。」

柳妍熙積極學習廣東話，希望有機會唱廣東歌。

柳妍熙跟曾路得老師學唱歌，並視對方如一家人。

雖然Shay的廣東話仍有進步空間，不過已努力學習，希望可在下張唱片有屬於自己的廣東歌：「我平時有讀報紙同聽電台，但都覺得廣東話好難學。同埋嚟緊呢張唱片，其中有一首歌由我填詞，希望大家可以多啲了解我。」