陳宛蔚肉緊代男友出頭
不少人都認為娛樂圈誘惑多,偏偏陳宛蔚(Calinda)卻把男友、金牌監製錢國偉收服得貼貼服服。早前Calinda不慎在商場跌倒扭傷腳,Wilson即「肉緊得」抱着她入院,Calinda笑說:「我都估唔到佢咁緊張我,佢一聽到我有事,就即刻飛的趕去商場送我入院,諗起都幾Sweet!」Calinda又自爆當初違抗父母旨意,堅持與Wilson走在一起:「其實最初父母都反對我同Wilson一齊,認為圈中人都好花弗、信唔過,不過我就堅持,希望我冇揀錯,哈哈!」
陳宛蔚一向敢言,早前更於微博為男友「發聲」。
陳宛蔚不理父母反對,堅決與錢國偉在一起,認真Sweet!
早前陳靜(DaDa)突然「罷拍」Wilson執導的新戲《喜愛夜蒲3》,一向敢作敢言的Calinda即肉緊為男友在微博「發聲」,她說:「我喺Wilson身邊好清楚成件事,真係好難忍住唔出聲!(氹番Wilson,等佢唔好咁嬲?)佢搞得掂嘅,希望劇本、演員再洗牌後,效果會更好!」