「巨聲幫」隊長劉威煌近日非常揼本，其有份投資的密室冒險遊戲本月初開幕，加上他的音樂學校又於上周開張，由藝人轉做Part-time老闆，演藝事業至個人生意全部一腳踢。

由藝人轉做老闆，劉威煌全部一腳踢！

劉威煌的音樂中心請來孫立功（前排左起）、梁月玲及伍仲衡擔任星級顧問。

劉威煌與周志康（左）集資開設的密室冒險遊戲早前開幕，一班巨聲幫好友亦有到場支持。

劉威煌身為「巨聲1幫」隊長，自然渾身Leader味，近日他撇下藝人身份，一嘗做老闆的滋味，先與巨聲孖仔周志文、周志康等戰友集資開設全港首個真人密室冒險遊戲，上周又開設星級音樂中心，威煌隊長不諱言今次與友人合共斥資接近七位數，非常揼本！他笑說：「係有少少負擔，不過都係用自己嘅積蓄，唔使去問人借。兩個投資係分開進行，只不過咁啱喺差唔多時間開張，所以先會覺得好揼本。」

威煌隊長的星級音樂中心，請來資深音樂人伍仲衡、歌唱家梁月玲老師及結他大師孫立功做顧問，位位音樂前輩都畀足面幫手。

唔打算「下海」做導師

不過，威煌隊長卻表示未有打算「下海」做導師，他說：「自己唔會教，都係做番管理，不過遲啲可能會請圈中人搞工作坊，會畀番友情價，怕欠落人情債！」