應屆華姐冠軍鄧佩儀（Gloria）尚有一年才大學畢業，但她覺得當選後能夠加入娛樂圈機會難得，決定隻身由溫哥華來港發展：「細個好鍾意韓星，但係從來冇發明星夢、冇諗過入行，直到參加華姐就鍾意咗喺舞台表演，未試過對一樣嘢咁鍾意，同家人、學校商量過，大學課程可以十年內修讀，所以畀個機會自己試吓。」

鄧佩儀想拍古裝劇，希望能與馬國明和馬浚偉合作。

外間認為娛樂圈是大染缸，問Gloria家人可放心她隻身來港發展？她笑說：「媽咪有少少擔心，但攞咗兩個選美冠軍之後，媽咪都覺得我成熟咗好多，同埋香港都有啲親戚喺度，所以佢哋都放心嘅。」每年華姐都為無綫注入新血，無疑競爭也相當大，問Gloria可覺得競爭激烈？她說：「我又冇諗咁長遠，覺得贏咗華姐已經賺咗好多，將來發展無論係點都係有賺，如果冇參加選美，可能我畢業後會去做文職，同依家好大分別，所以都唔諗咁多，盡全力去做。」