白龍王逝世，不少圈中人遠赴泰國弔唁，前藝人何嘉莉昨日出席《Kiehl's絢麗紫盈尊貴午宴》時透露，曾跟隨前老闆楊受成拜訪白龍王：「嗰陣剛入行，楊生帶我同容祖兒一齊去，楊生仲吩咐我哋要素顏見白龍王，但我同祖兒最後都冇聽到，因為唔化妝面無血色點見人。」已是一子之母的她表示月底兒子滿一歲，自言不想當怪獸家長太早逼兒子上學。而同場的鄭中基太太余思敏自爆近日囡囡開始就讀學前幼兒班，令她煩惱消瘦：「佢係咁喊，老師一抱佢走就喊，又要Daddy又要爺爺，我都好肉痛，覺得好似送佢去充軍咁，佢爸爸就話買嘢獎勵佢。」雖然如此，但她自言與老公不設防，隨時準備再做媽媽。

余思敏（左起）、朱慧珊和何嘉莉，一同出席午宴。