袁詠儀、吳君如及郭晉安昨日出席麥當勞活動，談到近日張智霖人氣再度急升，身為妻子的袁詠儀亦感到開心：「係呀！年輕退休又有錢嘅計劃又邁進一大步嘞！（依家都得啦！）依家係興趣囉！工作好有熱誠嘛！但之後可以嘅話會再揀擇一啲，可能有啲地方唔想去就真係唔去嘞！睇到老公事業成功都好開心。」問到生日想收到甚麼禮物？她坦言希望老公對她好一點：「佢同個仔一齊乖啲已經係最好禮物。佢哋成日夾埋激我、整蠱我，我喺屋企備受冷落o架！（追女？）老公話冇用，生多個女都係跟佢，叫我唔好諗咁多，一切順其自然。」而劇集《衝上雲霄II》不但在港受歡迎，於內地的優酷網及土豆網的點擊率也超過3.5億，同樣熱爆。

郭晉安（左起）、袁詠儀及吳君如齊齊出席麥當勞活動。

另外，吳君如透露《金雞3》邀請了張家輝、梁家輝、古天樂、鄭中基和陳妍希演出：「陳妍希演出唔關古天樂事，暫時知佢哋未有同場戲份，古天樂都知陳妍希有份演出。」