(9)劉溫馨消失豐乳中…
20位候選港姐昨日換上比堅尼於泳池進行下水禮，「大騎樓」(14)林思韻、(7)沈桂澄及(16)徐韶蓓胸群而出，但早前「飛釘」出位的(9)劉溫馨豐滿上圍卻離奇失蹤，即惹起「裝假狗」疑雲！而林思韻有姿勢卻游得慢，她即大呼咪咪太勁阻水。
沈桂澄（左起）、林思韻及徐韶蓓玩撥水，粉絲睇到笑晒嘴！
劉溫馨七月初入圍首輪面試時睇頭十足，但昨日泳裝示人竟平平無奇。
蕭穎詩（左）與陳凱琳賽後肉緊互攬，再搭膊合照。
今屆「大騎樓」林思韻落水浮力特強。
本周日（25日）舉行的《2013香港小姐競選》準決賽，有指今屆佳麗人氣略遜，故無綫連日來不斷催谷宣傳，除了前日眾佳麗谷胸蕩漾跑步刺激觀眾眼球外，20位候選佳麗昨日第二度穿上泳裝轉戰「水上擂台」，齊齊換上性感比堅尼Top配小褲仔於黃竹坑酒店泳池「胸」戰，半數更被安排落水鬥快。
今次佳麗的水着戰衣較之前一套性感，但由於未有承托，佳麗上圍即時「見真章」。報稱有33.5吋上圍的劉溫馨上演一幕「消失的咪咪」，早前以導彈身材兼飛釘的她，豐滿雙峰離奇「潛水」，上圍大縮水，驟眼睇落連跌幾Cup，視覺效果欠奉，相比同樣33.5吋上圍的沈桂澄，細細粒卻Big出三吋事業線，上水一刻她不自覺手放胸前，免洩春光。
寸嘴解畫：背脊薄
至於34.5D的「大騎樓」林思韻繼續Big爆泳池，拋「行」四吋深長事業線，雖然睇得唔游得，游蛙式的她龜速完成只排尾二，但已成功搶鏡，有咩所謂！其後問到是否因身材太勁而阻水？她笑說︰「可能有少少，如果唔阻水可能游快5秒，不過自己游水唔叻，跑步好啲。」而另一有料之人徐韶蓓雖然只在岸邊做啦啦隊，但烏身肉緊打氣時，深長事業線一樣成焦點。
劉溫馨為「變幻球」身材解畫時，死撐之前沒有「裝假狗」，又對身材信心爆棚，更寸嘴說︰「我冇扮假狗，亦冇講過自己身材好，係你哋講，可能我背脊比較薄。（所有人都睇錯？）唔係咁嘅意思，我平時着衫好少（加）墊。」林思韻談到劉溫馨Cup數大跌Watt，她說︰「可能角度問題。」
