藝人張達明去年患上癌症，身體現正康復中，前晚應邀擔任「獎門人」嘉賓。他事前已跟曾志偉說好不能玩得太癲，豈料他卻「反咬」志偉，為節目狂放笑彈！

張達明出口術寸獎門人，被錢嘉樂及阮兆祥捉實玩爆波。

張達明（左起）、劉以達、谷德昭及鄧麗欣大擺趣怪表情。

劉以達（左）狼吻胡渭康，相當難頂！

藝人張達明、谷德昭、劉以達、湯寶如及鄭敬基等前晚擔任《超級無敵獎門人終極篇》嘉賓，去年患上癌症的張達明現正康復中，精神甚佳。他受訪時透露健康已康復八、九成，但手腳靈活度暫時只康復了六成，故現時要做運動、瑜伽及氣功鍛煉身體，又透露玩遊戲前已要求志偉「錫住」：「我講明好多嘢我唔玩得，好似食唔到刨冰同辣辣壽司，我話畀埋醫生同律師電話佢！」

玩遊戲時，志偉厚待達明，他卻「恩將仇報」，不斷說出激嬲志偉的方法：「志偉有冇1米25高呀？你係咪長期買短褲當長褲着？你屋企人係咪多到數唔到？志偉係好老闆？同佢打咗兩年工都冇加過人工！」

劉以達索吻

而劉以達則整晚神神化化，期間胡渭康因輸掉遊戲被罰吃辣辣壽司，劉以達即請纓幫手，兩人嘴對嘴各食半件壽司，連一眾獎老都頂唔順說：「唔止引起觀眾不安，連主持都不安！」此外，湯盈盈前晚專誠捧老公錢嘉樂場，見老公玩遊戲時要拍打冰衫，她即由觀眾席衝入場幫手，真是夫妻同心！