早前在內地不停工作的女星江若琳昨日無懼８號風球外出傾新Job，直言緊張兼刺激！她又提到近年在內地拍劇遇上不少辛苦事，如酒店房漏水導致冇衫換，亦曾經連續失眠六日！

江若琳在8號風球下冒險外出傾新工作。

江若琳拍攝《巾幗大將軍》時，遇上酒店漏水令其行李箱全濕，導致沒有衣服更換。

江若琳連番遇上不快事件，相信粉絲一定十分心痛！

江若琳（Elanne）早前在內地一口氣拍了兩部電視劇，工作排得密密麻麻，直至近期完成工作回港才稍作休息。但向來勤力的Elanne趁在港時間與製作人見面洽談工作，昨日她相約一位內地著名電影人會面，卻遇上8號風球，因見面時間是在個多月前定下，對方昨晚就要返北京，故Elanne決定冒風外出赴約：「如果今次見唔成，大家都唔知幾時再約到，所以冒少少險都要出去。」

8號波傾Job

首次在8號風球懸掛下外出，Elanne直言刺激兼緊張：「細個時，8號風球唔使返學，一定乖乖哋留喺屋企，工作後都未試過打風出街，感覺幾特別！好在出街嗰陣都唔算好大風大雨，去嘅過程都叫順利，我仲叫助手幫我影相留念。」

Elanne近年不停在內地拍劇，曾遇過不少辛苦事，如拍攝《巾幗大將軍》時曾因地方偏僻、酒店簡陋，樓上大量沖涼水流落她的房間，令其行李箱全濕，導致沒有衣服更換；早前她在內地跟吳卓羲拍劇，亦因酒店太潮濕及衞生情況欠佳，導致嚴重失眠：「一入到房已經感覺唔係咁好，之後發現酒店張床有污漬，聽其他工作人員講，拖鞋放兩日會發霉，我一向叫做捱得，結果都頂唔到，連續六日都冇瞓過！」

嚴重失眠令她情緒大受影響，當時更要一日分飾兩角：「好難抽離，好彩最後得到一位醫生Uncle打畀我，用專業方法開解我，同埋我轉去另一間酒店，情況先好轉。」