陳威全啲獎多到兩隻手都攞唔晒，最開心係可以即時與家人分享喜悅！

馬來西亞男歌手陳威全來港出席頒獎禮，他請老婆及父母來港見證得獎一刻外，更順道享天倫，而組合東于哲則自爆以張家輝的完美Body為目標，密謀闖影壇！

陳威全啲獎多到兩隻手都攞唔晒，最開心係可以即時與家人分享喜悅！

豪請家人來港捧場的陳威全，獻唱時非常落力。

一眾歌手有幸與巫啟賢見面，當然把握機會合照！

小東（左）和阿哲一人攞一個獎唔使爭，勁風騷！

陳威全前晚在《恒生勁爆Music World新城國語力頒獎禮2013》勇奪兩個半獎，而其唱片公司hEhA Music全晚共擸9個獎，相當威水。陳威全與同門歌手葉俊亨在台上合唱時笑說：「兩個男仔合唱都幾怪，眼神唔知放喺邊。」他最高興是獲頒「亞洲創作歌手」獎，又透露將會與更多不同的重量級歌手合作，當中包括孫耀威。他興奮地表示有幸在頒獎禮向同屬馬國歌手的巫啟賢「朝聖」：「終於可以同佢傾偈，因為大家都係基督徒，一見面就講耶穌。」

Plan定做爸爸

陳威全的訪港之旅除了掃獎外，另一重任是帶同家人遊香港：「今次帶埋老婆、父母嚟，帶咗佢哋上山頂影相、睇蠟像，去咗好多地方行街。」在台上不忘多謝老婆Jenny的他說：「其實我一直Plan緊生BB，希望盡快有好消息。」

至於馬國組合東于哲亦贏得兩獎，最近兩子在影視方面各有各忙，成員小東與柯有倫拍攝關於舞獅的賀歲片，電影在港上映時亦可宣揚馬國文化。

成員阿哲則劇接劇，問到是否狂袋片酬？他說：「唔好咁講，多咗學習機會，同唔同演員合作。」他們有意向兩大影帝張家輝及謝霆鋒取經，誓要成為新一代大隻男組合！