Kay在頒獎禮上奪得3個獎項。
謝安琪（Kay）前晚以台灣金牌大風歌手身份在《新城國語力頒獎禮》上奪得3獎，問到會否與同公司的老公張繼聰合作？她表示不抗拒，又指很少跟老公談工作，但自爆與老公很甜蜜：「我怕焦點放喺我哋啲冧冧豬度。」
張繼聰早前拍唱片封套時被鎅損手指，傷口見筋，Kay指已警告老公不可傳傷口照給她，但不忘大讚：「佢頂得住，受咗傷流緊血都照影4個鐘，係鐵漢子，不過佢返到屋企成個人白晒。」她又說兒子得知父親受傷即時喊爆，但不是擔心傷勢：「佢問爸爸係咪星期五唔可以去沙灘玩，搞到老公唔知好嬲定好笑。」
