陳鈺芸遊悉尼做大「蠔」客

唱作歌手及武打女星陳鈺芸（JuJu）早前到澳洲悉尼為電影《職業女殺手》宣傳，順道遊覽當地名勝。到澳洲睇「國寶」樹熊的她說：「動物園位於市區，喺繁忙鬧市有大自然嘅緩衝，好舒適。」Harbourside周圍滿布餐廳，「海鮮狂」JuJu趁機喪食生蠔及飲酒，她說：「差唔多餐餐都食Oyster，好彩冇肚痛咋！」她又極力推介到Paddington Markets走一趟：「嗰度周圍有好多酒吧，好多年輕人都鍾意去飲番杯。而且周末會有街邊檔攤，賣食物同手工製品，非常熱鬧！」JuJu不忘大派貼士：「澳洲太陽好猛烈，我每次去都曬到甩皮，所以我勸去澳洲玩嘅朋友都要多飲水同搽防曬！」