Sally大晒歌喉，獻唱三首靚歌。

歌手葉蒨文（Sally）前晚與鄧梓峰等出席全新平治S系列豪華房車發布會，Sally擔任表演嘉賓獻唱。提到霍震霆兒媳霍啟剛與郭晶晶造人成功，「準嫲嫲」朱玲玲的好友Sally也是「知道冇耐」：「三星期前見到朱玲玲，佢話我知晶晶就嚟生，我反問佢幾時，同埋點解唔話我知。（係仔定女？）唔知。（送咩禮物？）未諗到。（同BB上契？）如果上契係做契婆婆。」

Sally大晒歌喉，獻唱三首靚歌。

Sally名副其實於靚車前留「蒨」影。

香港著名司儀遇上加拿大著名MC會點？睇鄧梓峰及Rosey Edeh笑得咁開心就知惺惺相識。

對於老公林子祥主唱的《衝上雲霄II》主題曲遭劣評，Sally認為各有愛好，力撐老公說：「I like it！聽歌好個人，有人鍾意、有人唔鍾意，大家Taste唔同，唔可能令個個人都開心。（老公有冇唔開心？）冇，佢唔知，因為佢喺美國。咁多年都有人寫過我，聽吓意見係OK，但唔會改變自己做法。」而林德信昨日出席時裝活動，同樣力撐父親，又透露十月將出碟，父親亦有給予意見。