林峯昨日與20位候選港姐出席活動，父愛爆棚抱起小妹妹獻吻，又表示有結婚生BB計劃；同場被指貌似其女友「千語BB」的(15)蔡思貝，未知是否面對「哎吔男友」緊張發台瘟！文：影視組
林峯前晚Sharp醒現身新城音樂會，精力充沛。
林峯向小女童獻吻，不怕吳千語呷醋！
吳千語
候選港姐林伊麗（左起）、蔡思貝、陳偉琪努力展現最美一面。
大合照時，Bob學其他佳麗一樣屈膝，儀態萬千喎！
(16)徐韶蓓（左）與(17)陳凱琳愈見明艷照人。
林峯昨日與20位候選佳麗出席六福珠寶《「愛很美」電視廣告首播會》，並抱起廣告中小女童錫其臉頰，大顯父愛。他透露父母早已抱孫，自己沒有這方面的壓力。雖然未被催婚，但他已有成家立室的計劃，揚言將來做爸爸必寵壞囡囡：「其實生仔定生女都冇所謂。（同女友吳千語傾過結婚生仔？）私人嘢唔講！（女友鍾唔鍾意小朋友？）唔講喇！」
談到同場的候選佳麗蔡思貝貌似千語BB，他即說：「冇留意喎！（拍拖後唔敢望女仔？）唔係，只係以工作為主！」而司儀林盛斌（Bob）在台上催他快步入教堂，他尷尬笑說：「努力努力！」由於要趕返橫掂拍劇，林峯將缺席今晚的新城國語力頒獎典禮，他前晚出席新城音樂會時特別獲提前頒發兩獎，問到如此忙，是否無法與女友食飯見面時，他冧笑說：「食到，已經食咗！」他又表示於內地開工拍古裝，每天幾近40℃高溫，曾有多次「頂唔順」差點中暑。
(20)陳偉琪為雙性戀解畫
至於蔡思貝未知是否得知林峯「冇留意」自己，全程顯得緊張又「發台瘟」！她解釋是被其他佳麗分享的故事感動：「我係水瓶座，比較感性，易受情緒影響，要學吓控制。」而於微博性取向一欄表示「雙性戀」的(20)陳偉琪說：「只係撳錯掣，開咗微博咁耐都唔太識用，之前仲喺性別欄寫咗係男，朋友提醒先知寫錯！（(1)張敬仁都傳係雙性戀？）佢澄清咗唔係啦！」她續表示喜歡異性，但強調不會歧視同性戀及雙性戀。
而(10)林伊麗贏得「最佳『愛很美』演繹佳麗」及獲贈鑽石吊墜，她大讚頒獎嘉賓林峯靚仔：「開心呀！第一次見到真人好靚仔，希望佢拍多啲好劇，唔好令我哋班女仔失望！」林峯則打趣地笑說：「其實我都有男觀眾嘅！」
