雨僑：唔鍾意我直接講

有傳陳靜「退出」是因「唔忿氣」在《夜蒲3》的戲份不及另一女主角雨僑，而身在上海的雨僑接受電話訪問時說：「我哋河水不犯井水，各有各做囉！開會時都講明係兩個女主角，比重一樣，但我條線係同陳柏宇一齊，而佢就係三角戀，要計嘅話的確係我重戲啲。（得益？）得益幾個鐘囉！因為公司通知我遲咗開工，咪趁嗰幾個鐘去整頭，夜晚再開《夜蒲3》。我哋識咗兩星期唔熟，王宗堯話佢個人好直，如果唔鍾意我，佢會直接同我講。」雨僑在《夜蒲3》有機會因陳靜「閃退」而加重，但在片中飾陳靜老公的王宗堯，則變為直接「受害者」，戲份被刪除，他無奈地表示惟有尊重導演決定。