張苡澂自爆曾被攝影師氹影裸照，深恐照片外洩。

張苡澂昨日為水着模特兒比賽擔任評判，並講述近日的o靚模裸照風波，自爆曾是「過來人」：「呢排好多裸照事件，又咁啱係暑假，我想提醒啲想搵暑期工，或者想做Model嘅學生要小心啲，因為我都曾經畀攝影師夾住影裸照！」她透露該攝影師頗為出名，特徵是駝背。她愈說愈激氣，表示如坊間流傳其裸照，她定必控告該攝影師：「呢件事都發生咗幾年，嗰陣啱啱入行，畀錢搵佢幫自己影啲造型照。我帶咗化妝師同形象指導師去，點知去到佢趕我嘅化妝師走，話要用佢嘅化妝師，跟住又叫埋佢個化妝師走，之後就話要同我影裸照。好彩我醒目，戴番副黑超，用假髮遮住個胸，下身就着牛仔短褲！」她指當時年少無知，不敢張聲，該批相片後來由其模特兒朋友替她拿回，她再三補充：「佢正一人渣！如果畀我知道佢登啲相出嚟，我一定告到佢甩褲！」

張苡澂自爆曾被攝影師氹影裸照，深恐照片外洩。