阿樂雖弄傷手指，落場時仍狀態大勇！

周柏豪和余文樂前晚率領籃球隊到元朗比賽，狀態大勇的柏豪成功偷波入籃；阿樂亦不甘示弱有射入靚絕三分，贏得全場掌聲，最後球隊以90比44大炒對手。期間阿樂勇戰弄傷左手手指，但他包紮後再度回到球場，十分勇猛！

阿樂雖弄傷手指，落場時仍狀態大勇！

柏豪表示打波比開騷還辛苦。

賽後阿樂表示傷勢絕無大礙：「唔會留力，打波經常受傷，我唔驚受傷，可能公司驚啲。」而柏豪指每周最少打一次波，順便為明年的紅館騷練體力，但笑言打波比開演唱會辛苦。另外，提到陳奕迅不滿歌迷在演唱會中途亂叫，有去捧場「偷師」的柏豪說：「我唔夠經驗去講，但都同意Eason講法，歌手好投入感情，但台下有人嗌，會打斷嗰一下感覺，應該要留意吓。」