春卷（右）遭「情敵」Naomi祝福「分手快樂」，攞景定贈興？

曾與李思捷傳緋聞的陳雅倫昨日得悉春卷宣布單身後大感愕然，並為兩人說好話：「唔係好相信，春卷係難得嘅女仔，亦非常了解思捷。思捷都好重視春卷，唔會咁易散。」李思捷上月流出咀女照，如今春卷宣布單身，難免令人有聯想，她說：「我都話過佢同啲妹妹仔影相咪太親熱，如果再有呢啲相都真係幾失望，明白藝人會有桃花，但要識避忌。」

春卷（右）遭「情敵」Naomi祝福「分手快樂」，攞景定贈興？

而李思捷前緋聞女友馮鎵瀠（Naomi）則表示對「分訊」不感意外，又自爆剛經歷完分手之痛，祝二人分手快樂。問到是否一直不看好他們？她忍不住哈哈大笑，並說：「本身唔識個女仔，但思捷係好男仔，對女友好好。（佢太多緋聞嚇走人？）佢有型又有才華，啲人送上門都唔出奇。」她不忘祝福春卷重新上路：「希望佢搵到目標方向，努力工作！」問到可會問候思捷？她說：「我電話24小時開住，可以隨時打畀我。如果想人陪，我9秒9飛出去！（你兩個都分咗手，會唔會發展吓？）佢OK我OK！」