一支熊貓甜筒，已經氹到天欣勁開心。

無綫藝人石天欣是一名熊貓癡，不單擁有逾百件熊貓精品，連食物都要有熊貓樣，她說：「我好鍾意熊貓，所有印有熊貓圖案嘅物品我都鍾意！平時出街食飯，見到整成熊貓樣嘅蛋糕、包點，我都一定會買嚟食，食之前仲會影相留念！之前我見到曲奇味甜筒，包裝紙上面印咗熊貓公仔圖案，我即刻忍唔住買嚟食。我啲Fans知我鍾意熊貓，成日送啲熊貓精品畀我，依家喺屋企堆到成座山咁高！」

一支熊貓甜筒，已經氹到天欣勁開心。

石天欣親手整熊貓電話殼畀媽咪（右），相當孝順。

熊貓波咁得意，難怪天欣忍唔住想咬佢一啖！

無熊貓不歡的天欣更會自製熊貓電話殼：「我只要一見到熊貓公仔就會開心，為咗可以成日對住熊貓，我設計同製作咗個熊貓電話殼，依家用緊嗰個都係自己整嘅，仲整咗個送畀媽咪！」