郭晉安唔想老婆復出

續任奶粉品牌代言人的藝人郭晉安，坦言酬勞倍升，但他最重視還是安全問題：「屋企第一個飲呢隻奶粉嘅係我，我個仔5歲，個女2歲，個女依家肥肥白白，都幾好！」對於多位女星復出拍無綫劇，他大表贊成說：「佢哋既有演戲經驗，又有睇開嘅觀眾。（反對老婆復出？）唔好喇啩！我唔係話專制，但做呢行，對份工應該有團火，我老婆都有，但佢團火係對仔女，仲有團火係發畀我。我叫佢唔好出嚟，留番多啲機會畀我同其他女星合作。」並透露最想與鍾楚紅及羅美薇合作。