鍾嘉欣翹着Bosco出場，十足一對新人。

鍾嘉欣與黃宗澤（Bosco）昨日以螢幕情侶姿態出席剪綵活動，Bosco大讚嘉欣有本錢性感，而嘉欣則質問緋聞多多的Bosco其螢幕情侶排名，更爭住認「大婆」，相當搞笑！

鍾嘉欣翹着Bosco出場，十足一對新人。

低胸鍾嘉欣勁Hot，難怪Bosco要灌茶降溫！

曾在《護花危情》、《溏心風暴之家好月圓》及《珠光寶氣》等劇集合作的無綫花旦鍾嘉欣與小生Bosco，昨日以螢幕情侶姿態剪綵，身穿低胸短裙的嘉欣坦言酬勞理想，又謙稱不算性感：「我又唔覺得性感喎！畀大家嘅反應嚇親，仲以為條裙有污糟嘢！」Bosco即笑說：「OK，正常啦！佢有本錢可以性感嘅，睇佢肯唔肯豁出去！」嘉欣自言性感並非專長，演唱會服飾也不會太暴露，最多只是多騷纖腰。

恨拍劇續前緣

二人的螢幕情侶形象深入民心，昨日嘉欣不避嫌翹實Bosco，又向緋聞多多的他「質問」其螢幕情侶排名，Bosco即笑說：「咁你一定係頭幾位，講到我好似好多咁，大家鍾意就得，都期待再同嘉欣拍劇。」嘉欣即搞笑地自封「大婆」：「螢幕情侶嚟講，我應該係大婆！」她更有鋪「集郵癮」：「我鍾意螢幕情侶檔，愈多愈好，想同多啲人合作，擦出唔同螢幕情侶嘅感覺。」

嘉欣即將舉行演唱會，而Bosco將開餐廳，二人實行互相撐場，Bosco說：「佢請我做嘉賓，我一定配合，等餐廳開一定請佢食番餐，試菜或者親自下廚！」嘉欣即笑言會不請自來。