古仔點燈咀唐詩詠
投資逾億港元拍攝的寰宇電影《逃出生天3D》，演員及導演昨日在一片「火海」中宣傳造勢。片中除連環驚險場面外，古天樂還與親自欽點的「小粉絲」唐詩詠上演深情一吻，但詩詠事後大呻「未夠喉」！
唐詩詠自爆由劇集《刑事偵緝檔案》便開始喜歡古天樂這類黑黑實實的男士。
兩位導演彭順（左一）和彭發，與劉青雲、李心潔和古仔等演員在熊熊烈火下造勢宣傳。
張兆輝和唐詩詠分享在火場拍攝的點滴。
李心潔自言皮薄，所以在台上覺得太熱才頻頻摸頸背。
為配合置身熊熊烈火的感覺，電影公司特別安排在天花放火，令古天樂、李心潔、劉青雲、張兆輝、唐詩詠及兩位導演彭發、彭順重溫拍攝時的經歷。但兩位導演早有準備，預先穿起防火裝束，令衣衫單薄的心潔頻頻摸頸背，甚至要避開一邊。唐詩詠在台上自爆拍攝時很緊張，事關可與偶像古仔合作，幸得對方以另類方法幫她入戲：「就係佢唔同我講嘢，不過古仔都唔係我想像中咁Cool。」
想演飛機師
對於今次親自欽點唐詩詠飾其女友角色，古仔解釋是看到她在某劇集的演出，認為她適合此角，問到詩詠可有與他合照或交換電話？古仔哭笑不得說：「統統都冇啊！（拍咀戲你哋係咪濕吻？）我由個火場出嚟都濕晒，仲濕吻？」另有指蕭定一欲找他演出劇集《衝上雲霄II》電影版，古仔對飾演飛機師一角也感興趣，但暫時未有人聯絡他，相信暫時仍在構思當中。
唐詩詠則無奈地表示當天因趕住拍攝，沒時間想太多，問到是否咀得不夠喉？她扁嘴說：「都好少咋！每個鏡頭有一、兩個Take，夠回味嘅。（點解唔交換電話號碼？）我遠觀就夠，邊敢喎！」
青雲熱濕底褲
而青雲笑言現場熱得弄濕了幾條內褲，最難忘拍攝升降機槽場口，熱到捱多兩秒都頂唔順！張兆輝則要化上爛面妝，他說：「因為要似灼傷，化咗足足個幾鐘，好彩冇皮膚敏感。」至於兩位導演稱這次記者會需事前買保險，在拍攝期間最難控制都是火：「所有都超出估計。（咁預算超出幾多？）唔理啦！老闆都冇眼睇。」
