Monna三點式「撞鬼」

「混血E神」林宜芝（Monna），膽粗粗擔任靈異節目主持，她自言從小已喜歡研究鬼怪，更試過獨留家中睇鬼片！而身材惹火的她，雖未必遇過真正的靈異事件，但「鹹濕鬼」就肯定有遇過，她說：「去沙灘都有人會用奇怪目光望住我，又鍾意喺我附近行嚟行去。」每次去沙灘都以逼爆三點式示人的Monna，完全不怕男友介意：「好多人恨都恨唔到，趁後生要Show Off吓，唔係到七老八十搵鬼睇你咩！」買泳衣買上癮的她，自爆珍藏已逼爆衣櫃，打算轉贈給朋友：「點知啲朋友第一句就話『嘩你啲泳衣咁大，我唔啱o架喎！』」