Jimmy（左）跟LoLo於讀書時已惺惺相惜，更獲賞識組隊闖樂壇。

組合Fabel由主音盧祝君（LoLo）和馮慶聰（Jimmy）組成，Jimmy由幕後跳出幕前，更有幸創作陳奕迅其中一首新歌，二人又希望能與鄭俊弘合作。

Jimmy（左）跟LoLo於讀書時已惺惺相惜，更獲賞識組隊闖樂壇。

樂壇新組合Fabel由主音盧祝君（LoLo）和馮慶聰（Jimmy）組成，原來他倆在大專時期因參加歌唱比賽認識，其後獲著名唱片監製梁榮駿賞識加入樂壇。雖然二人外表斯斯文文，但原來玩起音樂時卻會變另外一個人，LoLo說：「我哋音樂風格偏向陰暗，比較Rock啲。（驚唔驚樂迷接受唔到？）樂壇市場好少呢類型嘅音樂，都係一個機會畀大家去試。」

原來Jimmy未組成Fabel時曾參與幕後工作，曾為梁佑嘉及王若琪等作歌。而近期陳奕迅（Eason）新碟中的《阿貓阿狗》亦出自其手筆，他說：「原本唔係話作畀Eason，但梁榮駿聽完之後，覺得好啱Eason唱，就交咗畀佢，真係好開心！」

想同鄭俊弘合作

提到近期無綫歌唱節目《星夢傳奇》彈出鄭俊弘和李璧琦，問到Fabel會否考慮與他倆合作？他們笑說：「如果得當然好啦！我哋作為新人，想同唔同人擦出新火花。（作歌畀佢哋？）Jimmy不嬲作開歌，當然歡迎！」