李曼筠扭腰又俯身，少啲腰力都唔得！

女星李曼筠（Maggie）為新推出的飲食書，特意創作出快歌《dep dep dep》，配合唱歌跳舞，以最傳統、最正常的方法宣傳。日前，Maggie在油麻地排舞，舞蹈中不少扭身體和俯身的動作，盡展驕人身材！當日排舞老師為求盡善盡美，更即場改舞步，令Maggie不知所措。

李曼筠扭腰又俯身，少啲腰力都唔得！

即使臨時改變舞步，李曼筠（後中）亦努力配合。

受訪時，她自嘲不擅長跳舞，但為新書不惜豁出去：「對我嚟講絕對係新挑戰，我唱歌、跳舞都唔叻，但為咗大家可以喺唔同途徑認識我本書，我已經豁出去喇！」現場所見，Maggie跳得有板有眼，但她謙稱不敢轉型做歌手。