莊思敏不諱言，大談娛樂圈整容秘密。

莊思敏為一個「靚」字不惜割雙眼皮、打溶脂針及矽袋隆胸，她以經驗之談揭露娛樂圈七成藝人接受過醫學美容，並大爆舊愛吳浩康曾秘密割眼袋。以升Cup為傲的她更真「胸」不怕洪爐火：「我個胸畀貨車碌過都唔會爆！」

莊思敏不諱言，大談娛樂圈整容秘密。

升Cup前

比起升Cup前，莊思敏升Cup後更明艷照人。

莊思敏爆舊愛吳浩康曾做除眼袋手術。

女人是先天貪靚的動物，尤其在娛樂圈這個花花世界，不少女星都被爆曾後天加工，但親口承認的卻沒有幾個。拿督女莊思敏（Jacquelin）一反傳統，大膽承認曾開刀整容，她說：「孭住一個秘密同講大話會比坦白辛苦，呢個世界冇秘密，與其畀人講，不如由自己去講。」

對於多次被指因打針打出禍而慘變大細面，她表示是由媽媽一「手」造成：「我照過X光，本身牙嘅顎骨天生已經一大一細，可能細個成日畀阿媽摑，摑慣咗一面，搞到肌肉發炎。」作為過來人的Jacquelin更驚爆超過七成圈中人接觸過醫學美容：「大把人有做過，以我認知呢行有七成人一定有接觸過醫學美容，只係佢哋唔敢承認。」她更揭露舊愛吳浩康（Deep）同樣有貪靚嘅一面，秘密去做除眼袋手術：「Deep割咗眼袋，唔係我介紹，佢仲早過我，入行前已經做咗。」

「胸」有成竹 永不拆彈

當年Jacquelin連升兩 Cup，成功由A變C Cup，曾揚言永不拆彈的她「胸」有成竹地說：「冇咩意外嘅話，我呢一世都唔會拆彈，矽袋可以喺身體一世，依家矽袋安全檢測係去到可以比架貨車碌過都唔會爆，不過相信有貨車碌過我心口嘅話，我已死咗啦，哈哈！」她更形容身上的矽袋猶如棉花糖：「有彈性，得九針細傷口，好似棉花糖咁唔會爆o架！」