Katherine自幼已是高妹一名，令她輕易入行成為模特兒。

「身高」是模特兒行騷的先決條件，中英混血模特兒嘉芙蓮（Katherine）雖然有此優勢，但身高達1米77的她卻大嘆「接Job容易搵男友難」！她坦言揀擇條件是要對方高過她，否則即使是靚仔一名，亦不能過關！

Katherine自幼已是高妹一名，令她輕易入行成為模特兒。

嘉芙蓮笑容甜美，身高有番咁上下的港男不妨積極些！

陳嘉容是當紅模特兒，師妹Katherine似乎亦唔嘢小！

陳嘉容師妹、中英混血兒嘉芙蓮身形高挑，1米77的身高令她輕易踏上天橋行騷，但她仍未滿足，希望可再長高一點。她自言小時候已是高妹︰「可能媽咪係天津人，爸爸係英國人，佢哋都高，所以成家人都咁高。我讀書時已經比其他人高好多，小學成日都係排最後，啲同學話要拎啲咩嘢，都係我去幫佢哋拎。」

坐巴士常「中頭獎」

雖然身高為她的工作帶來優勢，卻對日常生活造成不便，她笑說︰「我坐巴士上層一定會撞頭，畀人發現後就會笑我，所以我比較少搭巴士，都係搭港鐵，但如果着埋高踭鞋都係會撞到頭！」

「高人一等」的Katherine大呻難搵男友，坦言要遇到一個比自己高的男生並不容易︰「我依家係單身，不過男朋友真係難搵，因為一定要搵啲我着完高踭鞋都比我高嘅，以前嘅男朋友都係着完高踭鞋啱啱好，有時香港難搵，要揀其他國家。」其擇偶條件看似棘手，其實卻相當簡單，她自言並不是以樣貌行先︰「係咪靚仔唔重要，最緊要係內在美，心地好、有上進心，同埋身高。」