劇接劇的黃翠如，已適應拍劇節奏。

無綫藝員黃翠如第二套擔正女主角的劇集《師父˙明白了》與重頭劇《衝上雲霄II》同期播出，翠如對收視沒有壓力，並希望得到帶挈！她說：「我一定會睇《衝II》，希望觀眾睇《衝II》都睇埋我哋，我哋唔係大製作，但呢套係所有演員用咗好多心血、眼淚拍出嚟嘅劇。」如意算盤打得響，劇集成績不俗有交代，講到再擔正女主角，她說：「呢套劇感覺好好多，有第一套劇嘅經驗，了解咗拍劇嘅運作，唔會似拍第一套咁，唔識啲機位、燈光，呢套少咗呢啲技術上嘅問題，相對可以專心投入角色。」

劇接劇的黃翠如，已適應拍劇節奏。

性格樂觀的翠如平日極少喊，笑言今次拍劇用了一生人的眼淚：「拍到尾，情緒都幾低落，拍完要一段時間先變番正常嘅黃翠如，尾段劇情傷感、生離死別，嗰排一入廠就傷心，試過有一日斷斷續續咁喊咗12個鐘，自己平時幾難喊，最初都擔心喊唔出，但劇本寫得好好，令我容易入戲。」