天明與家蔚抱住囝囝一家三口齊齊游水。

藝人洪天明與周家蔚有子萬事足，日前兩公婆帶五個月大的囝囝到泳池進行人生的第一個「夏水禮」，天明兩公婆和爺爺洪金寶先服侍囝囝全身搽太陽油，免少爺仔曬傷，相當大陣仗！

天明與家蔚抱住囝囝一家三口齊齊游水。

天明攬住囝囝玩滑梯，相當Happy！

天明讓囝囝戴上水泡游水，洪金寶陪乖孫游埋一份！

五個月大的洪大仁，被爺爺洪金寶、父母天明和周家蔚視為金叵羅，天明稱很早便想兒子熟習水性，惟他一直忙於工作，近日才能抽出時間帶兒子來個「夏水禮」。這個重要時刻，作為最愛錫孫兒的洪金寶當然要在場見證，所以當日落水陪孫暢泳，洪爺涼在身、冧在心。

時值盛夏，陽光猛烈，天明稱最怕兒子曬傷，所以落水前得老婆家蔚提點，第一時間為囝囝全身搽滿太陽油：「我都揀咗下午三、四點先游，冇咁曬，不過嗰日都游咗一個幾鐘，個個都攰！」而家蔚這個愛靚媽咪則戴帽遮陽光。

兩年後生多個

談到兒子熟習水性，天明稱兒子在母體內已經習慣水性，所以見寶貝仔落水一刻，他都不太擔心：「有我喺旁邊睇住都唔怕嘅，我捉實佢腳仔，等佢自己Fing手Fing腳，郁動吓當運動！」正因天明對囝囝有信心，故將囝囝放在水泡中，並放開手讓囝囝自行划水。問到可會追多個？他說：「見家蔚呢排都收身收得好快，如果再生，要同老婆商量，不過我哋計劃係兩年後嘅！」