鍾嘉欣下月終於開處女個唱，興奮不已！

鍾嘉欣踩入樂壇已有五年，但遲遲未開個唱，等足五年，下月才舉行處女Show，她不覺得來得遲，認為儲夠歌，現在是很好的時間。至於緋聞男友伍允龍會否捧場？她說：「我都買啲飛請朋友嚟睇嘅。」

鍾嘉欣下月終於開處女個唱，興奮不已！

由鍾嘉欣加入樂壇時拍的MV到即將舉行的個唱，伍允龍都十分支持！

鍾嘉欣又要拍劇又要綵排個唱，依然精神奕奕！

無綫花旦鍾嘉欣2008年開始踩入樂壇，轉眼五年，但處女個唱要到下月22和23日才在九展舉行，相比其他歌手實在開得太遲！不過，向來按部就班的嘉欣並不覺得慢人幾步：「呢五年我出咗4張唱片，儲咗40幾首歌，個唱每一部分都可以有自己嘅歌唱，依個Timing好Perfect。」

操Fit自彈自唱

嘉欣自爆最初籌備個唱時緊張到失眠，現在反而輕鬆得多。事實上她即將拍新劇，同時要為個唱排舞、練歌、練琴準備自彈自唱，相信擔心忙到冇得瞓多過擔心失眠！她說：「感覺好似返番去以前同時間拍三套劇嗰陣，要相信自己嘅能力，都搵咗私人教練做Gym操Fit，依家覺得有力量咗。」

問到下個目標是否到紅館？嘉欣稱暫時不想分心多想，希望集中精神在處女個唱上！她說：「如果有一日喺紅館開騷會好感動，呢個亦係Fans嘅願望，自己慢慢嚟，最緊要穩陣。」她的個唱不許父母來欣賞，那麼緋聞男友伍允龍呢？她說：「我都買啲飛請朋友嚟睇嘅。」