鍾一憲前晚和前度女友遇上招牌框架及石屎從天而降，險中「頭獎」，幸好化險為夷！剛與大名娛樂完約的他更指「甩難」後即遇上好運，恍如重生！

鍾一憲（Jason）前晚在Instagram上載一張「案發現場」照片，並指經歷了生死一刻：「今天，本來可能已經死了或重傷……不到10秒鐘眼前的招牌和石牆各種的剝落掉下來，嚇死我們……死而復生的我們就抱在一起了！」

大難不死似重生

昨日，Jason接受電話訪時重提如何逃出鬼門關，原本打算入快餐店捐錢的他指當時突然被朋友拉住，而整個招牌架便從天而降：「過咗5秒前面突然有個招牌架連埋石屎跌落嚟，嚇到我哋當場呆咗，嗰度有鋼釘，又有鐵牌，又有石屎，如果砸中我哋我諗唔死都重傷！」

問到Jason會否報答朋友救命之恩，性向成疑的他自爆好友是其前女朋友：「我哋分咗手之後感情依然好好，出事後有請佢食飯多謝佢（有機會翻撻？）其實我一路有鍾意嘅人，但唔鍾意交代感情嘢。」

另外，當晚是Jason與大名娛樂合約的最後一日，他更若有所指地表示完約加上大難不死，一定有好運到：「擒晚（前晚）係我喺大名合約最後一日，今次大難不死，一定係好事到，簡直係重生一樣！」