學友到電台宣傳時獲主持送上潮語書，即踢爆愛女有「公主病」！

張學友昨日接受電台訪問，踢爆兩位寶貝女都有「公主病」，不懂煮飯之餘，連洗衣機也不會用，身為廿四孝爸爸的他坦言自作自受。

學友到電台宣傳時獲主持送上潮語書，即踢爆愛女有「公主病」！

張學友自認廿四孝老竇，會接老婆及女兒返學放學。

張學友昨日為演唱會DVD到電台宣傳，獲主持送上健康食品籃及潮語書，當揭到「公主病」三字時，學友說：「呢個我識，香港有好多，因為生得少兼少時間陪佢哋，其實自己都有寵，係我唔啱。」隨即踢爆兩位千金不懂煮飯、洗衫：「洗衣機都唔識開，將啲衫拋到周地都係，仲要幫佢執。（唔叫佢自己執？）自己好夜返，佢哋都瞓咗，都係自作自受。」他又表示一直有教兩女兒做家務：「我教女好渣。」

怕囡囡受情傷

對於被拍到揸車接老婆羅美薇及囡囡返學放學，學友說：「我係廿四孝。（唔驚寵壞老婆？）唔會，佢咁大個人有自己選擇生活方式。（係咪想睇吓有冇男仔接女放學？）暫時未拍拖，拍拖都唔介意，最驚佢受傷害。」隨即表示有向囡囡灌輸性知識。而問到是否知道有傳謝霆鋒與周迅撻着？曾與周迅合作電影的學友說：「唔知，女未嫁，男又冇家室。（襯唔襯？）冇話襯唔襯，襯唔代表一世。」