官恩娜借電話被藐

歌手官恩娜（Ella）前晚舉行小型音樂會，與數十名歌迷近距離接觸，大頭蝦的Ella自揭「瘀事」：「頭先嚟嘅時候去錯地方，喺街企咗半個鐘都唔見同事，諗住打畀同事時發現手機冇電，惟有問男途人借電話，點知對方唔肯借！（佢唔認得你？）應該認得，可能佢以為拍緊整蠱節目。」吃途人檸檬的Ella最後獲另一途人相救，她說：「最好笑係，我問第二個男途人借電話時，第一個途人係咁耍手擰頭叫佢唔好借，仲用好厭惡嘅眼神望住我添！」